GELOOFSVORMING

By Agter-Paarl is dit vir ons belangrik om ruimtes te skep waar families saam kan aanbid en saam oor God kan leer.  Ons weet tog dat niemand van ons alleen op ons geloofsreis is nie, maar dat ons saam met mekaar loop.  As dit by die vorming van ons geloof kom, dan dink ons so:

• Jongmense is volledig deel van die kerk, en die ruimtes waar ons aanbid moet dit weerspieël

• Ouers is die beste vormers van kinders se geloof

• Oud en jonk kan leer by mekaar oor God en ons lewe saam met God

​

​​Ons skep die volgende ruimtes waarbinne families op Sondae kan kom aanbid:

​

Ouerkamer agter in die kerk

Ons het 'n (redelik) klankdigte ouerkamer agter in die kerk vir gesinne met babas en peuters.  Daar is ook 'n uitgang na die voorportaal as julle moet gaan bene rek.  

​

Kleuterkerk

Dit is vir ons belangrik dat gesinne op 'n Sondag saam dienste bywoon, maar ons weet 'n uur is te lank vir kleintjie.  Na 20-25 minute in die diens kan voorskoolse kleuters van 3-6 jaar verdaag na die saal vir kleuterkerk.  Daar word liedjies gesing, stories vertel en lekker aktiwiteite gedoen.  Die kleuterkerk maak klaar saam met die diens, en ouers is welkom om saam te gaan om 'n ogie te hou, maar jy hoef ook nie (as jy 'n behoefte het aan vrede:)

 

Jeuggroepe

Na afloop van die erediens kom jongmense in die saal bymekaar vir jeuggroepe.  Die jeuggroepe is aktiwiteitsgedrewe en 'n ruimte waar ons die bekende Bybelstories kan afstof.  Ma's en pa's, oupas en oumas is belangrik vir hierdie ruimte, want dis die mense by wie jongmense die meeste leer van God, die kerk en die lewe.

 

Belydenisklas

Daar is weeklikse gesprekke by Boland Landbou, asook 'n belydeniskamp vir jongmense wat belanstel om belydenis van geloof af te lê. 81  

​

​

Kontak ons gerus as jy meer wil weet, en as jy en jou mense wil inskakel, registreer asseblief deur gebruik te maak van die skakel:

​

 

 

REGISTRASIE VIR JEUGGROEPE EN KLEUTERKERK 2023

​

​

​

​

​

​

​

​

​

​

​

​

​