REISGESPREKKE

Ons noem ons eredienste, "reisgesprekke". Die gespreksleier se “preek” is op die meeste ‘n opregte getuienis oor wat hy/sy in die week uit die teks gehoor het. Ons leef vir ‘n hele week luisterend na die teks en deel met mekaar wat ons hoor. Ons hoef nie oor alles saam te stem nie. Ons kan, en wil nie sê, “so spreek die Here, Here" nie, want ons weet dat ons na ons mensheid dikwels verkeerd hoor en ons wil nie ons woorde sonder meer aan God toedig nie. Die reisgesprek is ‘n nederige gebeurtenis.

​

Elke week stuur ons ook 'n "Reisbrief" (voorheen Nuusbrief) aan elkeen wat verkies om dit te ontvang.  Die Reisbriewe bevat 'n oordenking van die week se teks wat dan verder gedurende die Reisgesprek op Sondae bespreek word.  Jy kan vorige weergawes van die reisbriewe hier aflaai.